我打呢篇文章，係因為想同大家分享一個見證，呢個見證係琴晚發生，又因為我唔識用口講出黎，所以打出黎，組織會好Ｄ，可能大家會覺得唔算係ｄ咩，但係對我黎講，係神係我生命入面一個好大的烙印。

首先講返少少背景，就係話說８－１０號去左退修營，神係營入面提返我想做好耐，但又做唔到ｇｅ一件事，就係攪好同家人的關係，係屋企一家人一齊唱詩祈禱，我知道出左ｃａｍｐ我一定要面對呢件事，但係冇諗到咁快。
就係出ｃａｍｐ果日，我食完野返屋企，我家姐就打電話俾我阿媽，原來佢去左深圳岩岩返黎，ｓｏ係火車ｊｏｉｎ埋一齊返ｈｏｍｅ，見到之後佢拎住袋餸，叫我幫佢拎，因為我好累，自己又拎住去ｃａｍｐ個袋，ｓｏ冇幫佢拎，果時我覺得冇咩野，但係落左馬鐵之後，我家姐話去櫃員機入數，行開左，得我同我阿媽，我就見到佢用不友善的眼光望住我，我問佢做咩，佢冇答，等左一陣，好悔氣咁唉左一聲就自己衝左出閘，果時我都唔知咩事，之後等埋我家姐就一齊行，一路行佢都冇望返轉頭，到一個燈位，先見到佢ｂａｃｋ晒面，眼有ｄ紅，果時我先知不妙，我心諗：「神你想點ａｒ，一出ｃａｍｐ搵ｄ咁ｇｅ野攪！」
出ｌｉｆｔ我家姐叫我開門，因為不嬲一齊返ｈｏｍｅ都係我開，我已經拎定門匙出黎嫁啦，點知我阿媽行先開，好大力咁推開個鐵閘，果時我好驚，因為我從來都未見過，入到去我都估到佢會鬧人，我諗住入房，但係我家姐入左去，我唯有坐係廳，佢放低晒ｄ野之後就開始鬧人，我都知我冇幫佢拎係唔係好好，所以我坐低佢俾鬧，我動也不敢動，佢鬧左幾句我就喊，因為佢話我唔見到佢拎咁重都唔幫佢，呢樣我認，但係佢又拉埋其他人同我比，話人地好好，又話我冇愛，冇關心，ｏｎｌｙ識得食，又話從來都冇做過野，我果下真係無名火起，但係感謝主，我忍住，但係真係好辛苦果下，我心諗，我真係唔係唔愛佢，唔關心佢，只不過因為我性格問題我做唔出者，我甚至因為做覺得自己對佢地做得唔夠好，自己係床到喊佢又唔知，我自問我已經好好嫁啦，我真係好想反擊，但係神叫我唔好，因為我知我一爆關係一定會唔好，ｓｏ我坐係到喊，一句聲都冇出，我好想上床呢埋，或者我家姐出黎攪掂佢，但係都冇發生。
我一路喊一路諗，其實神係咪俾梗機會我，叫我同佢講我ｇｅ感受同想一齊唱詩果ｄ，我諗左好耐，諗可以點講，講ｄ咩，用咩方式講，用咩語氣講，首先捉住佢隻手，跟住平心靜氣咁講，但係果時我先明白，原來當神要我地面對我地最唔想面對ｇｅ野果時，真係好難！！好掙扎！！！好痛！！！！我掙扎左好耐，我好想講，但係我講唔到，我手都係到振，要踏出呢一步真係好難，因為唔知點解對我黎講，同屋企講野，真係好難，大家係唔會明有幾難。但係當我諗返係ｃａｍｐ入面睇受難曲，耶穌咁都做到，我只不過係講野者，ｓｏ我等佢做完野，而我又冇咩點喊ｇｅ時候，我諗過左咁耐應該冇咁火ｌａ，我就捉住左佢隻手，但當我捉住之後，我喊得仲勁，講野都講唔到，佢就安慰返我，話冇事，話佢自己發脾氣都唔岩，我果時有諗，咁好ｇｅ機會，一定要講，但係真係唔係幾講到，我只係講左我唔係唔關心你，唔愛你，只不過係我性格ｇｅ問題，跟住就講唔到ｌａ，我除左細個果陣，就冇試過喊得咁勁，講完之後我都一路坐係到冇動過，我阿媽同我家姐就係到食飯，我好想同佢地講埋，其實我一向都覺得同佢地講野係好難，但係想係ｈｏｍｅ一齊唱詩，祈禱咁，我又掙扎左一輪，最後都坐左埋去講。
雖然唔知有冇機會，但係我之後係到諗返，我好感受到而且相信，神真係係到，好真實！！佢仲係一位無所不知無所不能ｇｅ神，因為佢知道ｇｅ我性格，如果唔係一出ｃａｍｐ咁快就黎料，又迫住一定要講，我可能唔知會等到幾時先講，又或者唔會講。感謝主，希望我地一家關係會更好！
之前我真係感受唔到神，但係經過呢經歷，我覺得神返返黎我到，好似真係復活咁，應該係話我返返去神到。弟兄姊妹，努力！神係我身上彰顯佢復活ｇｅ大能，同樣係你地身上，甚至係長福都會彰顯！！